> Utsyn / Nyheter fra Utsyn / Vil ha meir kollekt via Vipps



Vil ha meir kollekt via Vipps

Misjonssambandet aksjonerer no for ein alternativ måte å gje kollekt på. I staden for å leggja pengar i kollektkorga, kan ein gje via mobiltelefon-appen Vipps, og søndag 7. mai arrangerer NLM ein Vipps-aksjon.

– Vi ynskjer at fleire foreiningar og forsamlingar legg til rette for å gje med Vipps slik at dei som ikkje har kontantar òg kan støtta arbeidet, seier markeds- og innsamlingsleiar Grete Haukelid til Utsyn. Ho viser til at NLM vil bruke Vipps i nasjonale arrangement, kampanjar og liknande framover.

 

Framleis kollektkorg

– NLM har mange trufaste givarar som føretrekk å gje med kontantar på møte, noko me er svært takknemlege for, og vi vil halde fram med det. Men målet vårt er å legge til rette for at fleire kan vere med på oppdraget vårt, og då er det viktig at me både brukar kollektkorg og Vipps, seier ho.

På aksjonsdagen, søndag 7. mai, oppmodar ein foreiningar og forsamlingar til å bruke Vipps under kollekten. Alle foreiningar og forsamlingar som rapporterar inn det som er gitt via Vipps denne dagen, blir med i trekkinga om å få eit foredrag av informasjonsleiar Espen Ottosen.

–  Vi har sendt ut informasjon til ei rekke misjonsfellesskap om korleis ein tar i bruk denne teknikken, og om nokon treng hjelp utover dette, er det berre å ta kontakt, seier Grete Haukelid. Ho viser óg til nettsida nlm.no/vippsaksjon.

  

Fleire forsamlingar brukar Vipps

Grete Haukelid fortel at fleire foreiningar og forsamlingar allereie har oppretta brukarkonto for Vipps. I Salem i Bergen blir ein tredel av all kollekt samla inn via Vipps, og Misjonshuset i Kristiansand har brukt Vipps i kollektøyemed i eit halvt år. Vipps-gåvene har gjort at kollekten der har auka med omkring 30 prosent.

– Vipps-aksjonen handlar ikkje berre om denne eine dagen. Me håpar at denne aksjonen vil ha ein langtidseffekt, og at me framover også kan «vippse evangeliet til verdens ende», avsluttar Haukelid

 

Direkte frå konto

Det var DNB som lanserte Vipps, men no er over 100 bankar saman om denne appen. Vipps er knytt til bankkontoen slik at pengane vert overført direkte frå kontoen og ikkje via telefonrekning som ved betaling med SMS (tekstmelding).

  

Sjå promovideoen om aksjonsdagen:


Nesten halvveis inn 2017 har jeg lyst til å rette en stor takk til alle misjonsvenner som blant annet gjennom sin givertjeneste bidro til at NLM enda et år kunne være med og utbre Guds rike i Norge og i utlandet. Når regnskapet i tillegg kunne gjøres opp med et resultat som viser at det i fjor ble brukt omtrent like mye penger som kom inn, var det ekstra gledelig.

Bør kristne støtte jødenes rett til å omskjære sine guttebarn?

Rett før påske fortalte en rekke medier at presten Eskil Skjeldal har mistet troen på Gud. Skjeldal har en teologisk doktorgrad og har profilert seg med kronikker og artikler i ulike aviser.

Utsyn på Facebook

Etiopia

I Etiopia arbeider NLM for å redusere barne- og mødredødelighet og utruste lokalsamfunn som er sårbare i tørkeperioder. Vi satser også for å nå unådde folkegrupper med evangeliet.

Les mer | Bli fast giver

Dagens bibelsitat

Ord 20:22 Si ikke: Jeg vil gjengjelde med ondt! Vent på Herren, og han skal frelse deg!

Del


Dette nettstedet bruker informasjonskapsler. Les mer om informasjonskapsler her. Ikke vis denne meldingen igjen.