Tekstplakat ung leder

ungLeder

ungLeder er det tredje og siste året av ungDisippel – Misjonssambandet sitt treårige trus- og leiartreningsprogram.

ungLeder byggjer vidare på det deltakarane har lært tidlegare, og retter blikket mot kristent leiarskap i praksis. For å kunne gå ungLeder, må du fyrst ha gjennomført ungEtterfølger.

 Målet med ungLeder er å utruste unge til å vera trygge, modne og tenande leiarar i kristent arbeid, særleg inn mot borne- og ungdomsarbeid. Me ynskjer å vise at kristent leiarskap handlar om meir enn å organisere eller stå framfor andre – det handlar om å fylgje Jesus.

 Gjennom undervisning, refleksjon og praktiske oppgåver arbeider me med tema som kristent leiarskap, personleg utvikling, teamarbeid, kommunikasjon, ansvar og tillit. Målet er å truste deltakarane til å tene andre og leie med Jesus som førebilete. Undervisning vert kombinert med praktisk trening. Deltakarane får mellom anna øve seg på å skrive og halde ein andakt/dele sitt vitnesbyrd, planlegge og gjennomføre delar av eit møte og samarbeide om konkrete leiaroppgåver. Gjennom vegleiing, casar og tilbakemelding ynskjer me å gje deltakarane tryggleik og erfaring i å leie andre på ein god måte.

 Eit viktig mål med ungLeder er å hjelpe deltakarane til å forstå at kristent leiarskap spring ut av livet med Jesus, ikkje av prestasjon eller oppgåver. Identitet før oppgåve og born før tenar.

 I tillegg til undervisning knytt til leiarskap vil og ungLeder by på møter, lovsong, aktivitetar, gode samtalar og mykje moro saman med dei to andre trinna. Me trur at noko av det viktigaste deltakarane tek med seg vidare er vennskap, fellesskap og ein større tryggleik i å leve og tene som Jesu etterfylgjar.

 Bli med på ungLeder! 

Undervisning

Me er snart i mål med å oppdatere læreplanen, meir informasjon kjem når den er ferdig og godkjent av tilsynsrådet. 

Pris

1530 kr pr. deltaker pr. leir.

Medlemsskap i Ung:Disippel

Ved påmelding til Ung:Etterfølger blir ein medlem i laget/fellesskapet «Ung:Disippel». Medlemskontingenten er 50 kr pr år og vert betalt ved fyrste leir i året. Dette gjer at me får midler som igjen kjem deltakarane til gode på leir. 

Dato og stad

  • 16.-18.okt 2026, Laberget leirsted
  • 23. - 25.april 2026, Laberget leirsted

Påmelding   

Lenke kjem snart...

Har du spørsmål om påmelding - send epost til midtnorge@nlm.no.