Tilbygg gir nye elevplassar på studie

Nye klasserom og utvida matsal gjer at Tryggheim tilbyr fleire plassar på studiespesialisering.

Hausten 2019 utvida Tryggheim hovudbygget med 70 nye sitteplassar i matsalen, to nye klasserom og to nye grupperom. Tilbygget resulterer i at Tryggheim kan ta imot totalt 90 elevar på kvart trinn på studiespesialisering frå hausten 2020.

Høgare elevtal gir også betre programfagtilbod. Av realfag skal skulen tilby S-matte, R-matte, fysikk, kjemi, biologi og informasjonsteknologi. Innanfor språk, samfunnsfag og økonomi har skulen programfaga internasjonal engelsk, samfunnsfagleg engelsk, rettslære, psykologi, sosialkunnskap, sosiologi og sosialantropologi og entreprenørskap og bedriftsutvikling, i tillegg til breiddeidrett frå programområdet idrettsfag.

PS! Ordinær søknadsfrist for vidaregåande opplæring er 1. mars. Velkommen til å søke både Vg1, Vg2 og Vg3 studiespesialisering på Tryggheim – ein kristen friskule på Jæren med internat. Skulen tilbyr i tillegg helse- og oppvekstfag, elektrofag og bygg- og anleggsteknikk.